إسلام النسر.. بطل كتب اسمه بحروف من ذهب في عالم كمال الأجسام
من بين آلاف الشباب اللي بيحلموا بالنجاح في الرياضة، قدر إسلام النسر يثبت نفسه ويكون واحد من أبرز أبطال كمال الأجسام في مصر، ورفع اسم محافظة البحر الأحمر في كل مكان.
إسلام النسر من مواليد 24 يوليو 2001 في الهرم - الجيزة، لكنه من صغره كان شايل حلم كبير وبيسعى ليه بخطوات ثابتة. بدأ من تحت الصفر، تمرين يومي، تعب، عرق، وصبر، وكل ده كان عشان يحقق هدفه ويرفع علم محافظته فوق.
قدر يوصل لحلم كبير بعد ما حصل على المركز الأول في بطولة الجمهورية لكمال الأجسام في الوزن الثقيل، وده إنجاز تاريخي لأنه أول لاعب في تاريخ البحر الأحمر يحقق اللقب ده، وبقى قدوة لكل شاب طموح.
وتقديرًا لإنجازه العظيم، اتعمله تكريم كبير في الغردقة، بحضور شخصيات رياضية كبيرة ومدربين كبار، وعلى رأسهم مدربه وأكبر داعم ليه، الكابتن سيد النسر، اللي كان دايمًا معاه خطوة بخطوة.
إسلام النسر بقى رمز للعزيمة والإصرار، ودليل إن النجاح مش بعيد عن اللي يتعب ويؤمن بنفسه. ولسه الطريق قدامه طويل، لأنه دايمًا رافع شعار "الطموح ملوش نهاية"، والكل مستني يشوفه بيرفع علم مصر في البطولات الدولية قريب جدًا.
